Vurulan təyyarədə ölənlərin daha 42-in kimliyi müəyyənləşib

9 Avqust 2014 21:55 (UTC+04:00)
Ukraynada vurulan təyyarədə ölənlərin daha 42-in şəxsiyyəti müəyyənləşdirilib.

APA-nın UNN agentliyinə istinadən verdiyi xəbərə görə, bu barədə Niderlandın Təhlükəsizlik və Ədliyyə Nazirliyi bildirib.

Ümumilikdə ölənlərin hələ ki, 65-in şəxsiyyəti müəyyənləşdirilib.

Xatırladaq ki, iyulun 17-də "Malaysia Airlines" şirkətinin Amsterdam- Kuala-Lumpur marşrutu ilə uçan "Boeing 777" təyyarəsi Ukraynanın Donetsk vilayəti üzərində vurulub. Hadisə zamanı 15 nəfəri ekipaj üzvü olmaqla, 298 nəfər dünyasını dəyişib. Təyyarənin rusiyameyilli separatçılar tərəfindən Donetsk vilayətindən vurulduğu ehtimal edilir.

AzNews.az