Elektrik cərəyanı daha iki şəxsin ölümünə səbəb oldu – Bədbəxt hadisə

18 Avqust 2014 09:06 (UTC+04:00)

AzNews.az xəbər verir ki, dünən gecə saat 20:57 radələrində Kürdəxanıda bağ evlərin birində 1979-cu il təvəllüdlü İsmailov Şirvan adlı şəxs elektrik enerjisi vuraraq öldürüb.

Daha bir elektrik cərəyanı vurma hadisəsi Suraxanı rayonu, Zığ qəsəbəsi H.Allahverdiyev küçəsində yerləşən həyət evlərinin birində baş verib.

Belə ki, bu gecə saat 00:10 radələrində 1969-cu il təvəllüdlü Quliyev Ofeliya adlı xanımı yaşadığı evdə müəmmalı səbəbdən elektrik cərəyanı vurub.

Həkimlərin səyinə baxmayaraq bu iki şəxsin həyatlarını xilas etmək mümkün olmayıb. Hazırda hər iki hadisə ilə bağlı hüquq mühafizə orqanlarında araşdırmaya başlanılıb, faktla bağlı cinayət işi açılıb.

Amid
AzNews.az