“İslamın məsumluğu” filminə daha bir qadağa
19 Sentyabr 2012 16:14 (UTC+04:00)
Kabardin-Balkariyanın baş prokurorluğu internet provayderlərin "İslamın məsumluğu" filminə azad baxışın məhdudlaşdırılması ilə bağlı qərar qəbul edib.
AzNews.az-ın Rusiya mətbuatına istinadən verdiyi məlumata görə, qərarın çıxarılmasına səbəb aksiyaların keçirilməsi ehtimalı və filmin müsəlmanların dini hislərinə toxunmasıdır. Bundan əlavə, bildirilir ki, Kabardin-Balkariyanın baş prokurorluğu filmin ekstremist mahiyyətli olması barədə məhkəmə iddiası qaldırıb.
Qeyd edək ki, analoji addımlar bir sıra ölkələrdə atılıb. Hətta Pakistanda youtube-video paylaşım saytına giriş tamamilə bağlanıb.
Sadiq Musa
AzNews.az