Gəncə sakini bədbəxt hadisə nəticəsində öldü
24 Oktyabr 2014 14:44 (UTC+04:00)
APA-nın qərb bürosunun verdiyi məlumata görə, hadisə rayonun Üçtəpə kəndi ərazisində qeydə alınıb. Gəncə şəhər sakini, 1973-cü il təvəllüdlü Həsənov Vilayət Qənbər oğlu darvazanın aşması nəticəsində dünyasını dəyişib. Məlumata görə, ev tikintisi üçün əraziyə sement gətirən "ZİL" markalı yük avtomobili geriyə hərəkət edərkən darvazaya dəyib və dəmir qapı ətraf mişar daşları ilə birlikdə yaxınlıqda olan V. Həsənovun üzərinə düşüb. Onu dərhal Gəncə şəhər Təcili Tibbi Yardım xəstəxanasına çatdırsalar da, həyatını xilas etmək mümkün olmayıb.
Faktla bağlı Göygöl rayon Prokurorluğunda cinayət işi açılıb, istintaq gedir.