Putin yenə rekord qırdı

29 Oktyabr 2014 20:24 (UTC+04:00)


ANS PRESS-in məlumatına görə, bu qənaətə Rusiyada sorğu keçirən sosioloqlar gəlib.

Sosioloqların məlumatına görə, prezidentin fəaliyyətiylə bütovlükdə 88% rusiyalı razıdır, 11% onu bəyənmir, 1% sakin isə suala cavab verməyib.

Sorğunun nəticəsinə görə, Rusiya Federasiyası hökumətinin sədri vəzifəsində Dmitri Medvedevin fəaliyyətinin qiymətləndirilməsi haqqında suala respondentlərin 2%-i cavab verməyib, 68% onun haqqında müsbət fikrini bildirib və 30% Rusiya baş nazirinin fəaliyyətini bəyənmədiyini bildirib.

Bundan başqa, respondentlərə təklif olunub ki, ən çox etibar etdikləri 5-6 siyasətçi və ya ictimai xadimin adını sadalasınlar. Belə ki, rusiyalılar ən çox Vladimir Putin (60%), Serqey Şoyqu (26%), Dmitri Medvedev (20%) və Serqey Lavrova (19%) etibar ediblər. Sorğuda iştirak edənlərin 12%-i isə heç kimə etibar etmədiyini və ümumiyyətlə siyasətlə maraqlanmadığını bildirib.

Sorğu 1,6 min insan arasında aparılıb.