Ramiz Məmmədov “Qəbələ” klubunun baş məşqçi təyin edilib

25 Sentyabr 2012 13:56 (UTC+04:00)
Fatih Kavlakın istefasından sonra "Qəbələ"də yeni baş məşqçi təyinatı rəsmiləşib. Apasport.az saytının xəbərinə görə, komandanın sabiq baş məşqçisi Ramiz Məmmədov bu posta təyin olunub.

Bu il iyulun 10-da "Qəbələ"nin idman direktoru vəzifəsində fəaliyyətə başlayan 44 yaşlı mütəxəssis daha əvvəl 4 mövsüm komandaya rəhbərlik etmişdi.

2006/07 mövsümünün gedişində baş məşqçi postuna təyin olunan Məmmədov baş məşqçi kimi "Qəbələ"ni hamıdan çox - Azərbaycan çempionatının 100, kubokun 18 oyununa çıxarıb.

Xatırladaq ki, Ramiz Məmmədov 2009/10 mövsümü başa çatandan - komandadakı 4-cü mövsümündən sonra baş məşqçi postundan ayrılmışdı.

AzNews.az