Sabiq nazir həbs oluna bilər

28 Sentyabr 2012 08:45 (UTC+04:00)

Ermənistanın sabiq Xarici İşlər naziri Vardan Oskanyan Milli Təhlükəsizlik Nazirliyinə çağırılıb. AzNews.az-ın armenpress.am saytına istinadən verdiyi xəbərə görə, sabiq nazir çirkli pulların yuyulmasında ittiham olunur.

Verilən məlumata görə, işə Milli Təhlükəsizlik Nazirliyinin Kriminal Təhqiqat departamentində baxılır.

Ermənistan Baş Prokurorluğundan isə bildiriblər ki, sabiq nazir istintaqa təqsirləndirilən qismində cəlb olunub. Onun barəsində hələ ki həbs qətimkan tədbiri seçilməyib.

Xatırladaq ki, sabiq nazir tərəfindən təsis olunmuş "Sivilitas" fondu külli miqdarda vəsaiti qanunsuz yollarla yumaqda ittiham olunur.

Sadiq Musda
AzNews.az