300-ə qədər uşaq ürək əməliyyatı üçün növbə gözləyir

29 Sentyabr 2012 09:36 (UTC+04:00)
Azərbaycanda 300-ə qədər uşaq ürək əməliyyatı üçün növbədə dayanıb. Bunu jurnalistlərə açıqlamasında səhiyyə nazirinin müavini Elsevər Ağayev bildirib. Nazir müavinin sözlərinə görə, 3 il əvvəl ölkədə Prezidentin Ehtiyat Fondundan ayrılmış vəsait əsasında Elmi-Cərrahiyə Mərkəzinin nəzdində Uşaq Cərrahiyə Mərkəzi yaradılıb.

İndiyədək burada 250 uşaq üzərində müxtəlif çeşidli ürək əməliyyatları keçirilib. Növbədə dayanmış 300 uşağın əməliyyatı isə bir il ərzində həyata keçiriləcək.

Nazir müavini uşaqlarda ürək qüsurlarının çoxalması ilə bağlı fikirlərlə razılaşmayıb: "Sadəcə əvvəllər uşaqlar müalicə üçün başqa ölkələrə və ya özəl klinikalara üz tuturdular. Artıq bu məsələ dövlət tərəfindən həllini tapıb".

AzNews.az