İslamçı radikal ABŞ-a verildi

6 Oktyabr 2012 06:08 (UTC+04:00)

Britaniyalı islamçı radikal Abu Həmzə əl-Masri ABŞ-a ekstradisiya edilib. AzNews.az-ın France-Presse agentliyinə istinadən verdiyi xəbərə görə, onun ABŞ-a verilməsini Amerika Xüsusi Xidmət orqanları da təsdiqləyib.

Böyük Britaniyanın Daxili İşlər naziri Tereza Mey də faktı təkzib etməyib. Verilən məlumata görə, Masri ABŞ-a tək ekstradisiya olunmayıb. Ekstradisiya olunanlar arasında onun 4 silahdaşı da var.

Qeyd edək ki, Masri "Əl-Qaidə" terror qruplaşması əlaqədə şübhəli bilinir. Eyni zamanda hesab edilir ki, Yəməndə turistlərin oğurlanmasında və Oreqon ştatında törədilmiş terror aktında onun əli var. Günahı sübut olunarsa onu 100 il azadlıqdan məhrum etmə cəzası gözləyir.

Sadiq Musa
AzNews.az