Malayziyada yeni təyyarə qəzası- 2 bina yandı

15 Mart 2015 16:40 (UTC+04:00)
ANS PRESS-in məlumatına görə, KT-1B birmotorlu təyyarələr beynəlxalq dəniz və aerokosmik sərgiyə hazırlıq məqsədilə keçirilən uçuşlar zamanı qəzaya uğrayıb.

Onlardan biri o birinin quyruq hissəsinə çırpılıb və nəticədə hər iki təyyarə yanaraq yerə dəyib. Qəza zamanı təyyarələrin hər ikisi parçalanıb.

Zamanında ehtiyatlı davranan pilotların hər ikisi katapulta edə biliblər. Onlar heç bir zədə almayıblar və həyati təhlükələri yoxdur. Amma təyyarələrin yerə dəyməsi nəticəsində iki bina yanıb.

Qəzaya uğrayan təyyarələrin hər ikisinin İndoneziyaya məxsus olduğu bildirilir.