Körpə orqan donoru oldu - Ən kiçik donor

23 Aprel 2015 21:54 (UTC+04:00)

Trend-in Böyük Britaniyanın "Mirror" qəzetinə istinadən verdiyi məlumata görə, əhvalat Cess Evans və Mayk Holstonun ailəsində baş verib. Əkiz uşağı olacaq ana həkimlərdən eşidib ki, uşaqlardan biri ciddi xəstəliyə görə doğuşdan sonra çox yaşamayacaq.

Lakin həkimlər bildirir ki, onların bir uşağı başqa bir adamın həyatını xilas edə bilər.

Valideynlərinin Teddi Noy Holston adını qoyduğu körpə 100 dəqiqədən sonra dünyasını dəyişib. Üç dəqiqə sonra isə onun böyrək və ürək qapaqcıqlarını çıxarıb ondan böyük pasiyent üçün ayırıblar. Uşağın atası deyib: "O, qəhrəman kimi öldü. Biz onunla fəxr edirik".

Ölən körpənin qardaşı Noy Teddi isə sağlamdır. İndi valideynləri və üç yaşlı bacısı ilə Uelsin Kardif şəhərində yaşayır.