İlham Əliyev maşın hədiyyə etdi- VİDEO

11 May 2015 22:14 (UTC+04:00)


ANS TV-nin məlumarına görə, prezidentin imzası olan yubiley medalı 100 yaşlı ağsaqqalın sinəsinə taxıldı. Bilal Əliyev İsmayıllı rayonunda veteranlar arasında ən yaşlısıdır. Bilal baba 70 il əvvəl 1918-ci ildə erməni daşnaqları tərəfindən atasının qətlə yetirildiyi, keşməkeşli həyat yaşadığını xatırlayır. Ölkə rəhbərliyi tərəfindən göstərilən xüsusi qayğı sayəsində isə artıq o illərin ağrı-acısını unutduğunu söyləyir. Bilal Əliyevin 7 övladı, 27 nəvəsi, 67 nəticəsi və 21 kötükcəsi var. Bilal baba son beşik övladı və onun ailəsi ilə yaşayır. 100 illərin tarixini özündə yaşadan qəhrəmanımızın övladları ataları ilə fəxr etdiklərini bildirdilər. Veteranın oğlu Fikrət Əliyev atasına verilən medal və maşınlar üçün çox təşəkkür etdi. Babalarının doğum gününə daha çox sevinənsə onun nəvə, nəticə və kötücələridir. Faşizm üzərində qələbənin 70 illik sevincini yaşayan Bilal Əliyevə daha bir qələbə bayramını qeyd etməyi arzulayırıq.