Bu gecə Azərbaycanda 2 ev yandı

18 İyun 2015 09:16 (UTC+04:00)

AzNews.az FHN-in saytına istinadən xəbər verir ki, ilk yanğın hadisəsi Bakı şəhəri, Xətai rayonunda qeydə alınıb.

Belə ki, 5 mərtəbəli yaşayış binasının 2-ci mərtəbəsində vətəndaşa məxsus ümumi sahəsi 68 kv.m olan 3 otaqlı mənzilin mətbəxində qaz sobası, mətbəx mebeli və pəncərə çərçivəsi 3 kv.m sahədə yanıb.

İkinci yanğın isə Şəki rayon mərkəzindən 20 km aralıda yerləşən Çələbixan qəsəbəsində baş verib.

Vətəndaşa məxsus ümumi sahəsi 198 kv.m birmərtəbəli 7 otaqlı evin bir otağının yanar konstruksiyaları və əşyaları 20 kv.m sahədə yanıb.

Hər iki yanğın yanğınsöndürənlər tərəfindən söndürülüb.