Müğənnimiz boşanır? – FOTOSESSİYA

16 Oktyabr 2012 10:10 (UTC+04:00)

Müğənni Günel Məhərrəmovanın həyat yoldaşından ayrılması haqqında yayılan xəbərlərə aydınlıq gətirilib. Müğənninin prodüseri Səbuhi Arif AzNews.az-a açıqlamasında bildirib ki, G.Məhərrəmovanın ailəsi dağılmayıb:

"Günel həyat yoldaşından ayrılmayıb. Beş aydır ki, oğlu olub. Adı da Əlidir. Ailə qurandan sonra Günelin yanında həyat yoldaşı görünərdi. Sadəcə, həyat yoldaşının işləməsi və müğənninin yanında görünməməsi bu cür xoşagəlməz söz-söhbətlərin yayılmasına səbəb olub. Günelin həyat yoldaşı özü də ortalığa çıxmaq istəmir. Hər şeyi kənardan izləyir, nəzarətdə saxlayır".

Məlumat üçün bildirək ki, G.Məhərrəmova İlkin adlı şəxslə 2010-cu il noyabrın 18-də ailə qurub. S.Arif onu da qeyd edib ki, müğənni həmkarı Tunar Rəhmanoğlunun bəstəsi olan yeni lirik mahnını ifa edəcək. Mahnı bu ayın sonuna qədər hazır olmalıdır.

Fuad Mədətov
AzNews.az