“Zaman-Azərbaycan“ qəzetinin əməkdaşı qəzada öldü
2 İyul 2015 08:50 (UTC+04:00)
AzNews.az FHN-nin rəsmi saytına istinadən xəbər verir ki, yol qəzası Bakı-Sumqayıt yolunun 6-cı kilometrliyində, Bakı Beynəlxalq Avtovağzalının yaxınlığında qeydə alınıb.
"VAZ-2106" markalı, 10 RX 385 dövlət nömrə nişanlı avtomobilin sürücüsü idarəetməni itirib. Nəticədə maşın daş yolayrıcına çırpılıb. Qəza zamanı avtomobilin sürücüsü, 1986-cı il təvəllüdlü Cavid Əsədullayev hadisə yerində dünyasını dəyişib.
Sürücünün meyitini deformasiyaya uğramış avtomobildən çıxarmaq mümkün olmadığından, hadisə yerinə FHN-in Xüsusi Riskli Xilasetmə Xidmətinin əməkdaşları cəlb edilib. Cavid Əsədullayevin meyiti xilasedicilər tərəfindən avtomobildən çıxarılıb.
***
APA-nın əldə etdiyi məlumata görə, 29 yaşlı Cavid Əsədullayev "Zaman-Azərbaycan" qəzetinin əməkdaşıdır. Qəzetin baş redaktoru Anar Qaraxancallı açıqlamasında bildirib ki, o, "Zaman-Azərbaycan" MMC-nin yayım şöbəsinin poçtalyonu olub.