Gənc müğənni Gültəkin Qaradağlı "Baku Crystal Hall"dakı çıxışından sonra populyarlığının ilk pillələrində yeni yaradıcılıq işlərinə rep ifaçıyla duet oxumaqla başlayıb.
AzNews.az-ın məlumatına görə, müğənninin duet ortağı populyar rep ifaçısı Elxan Zeynallı (Qaraqan) olub. Cütlüyün ifa etdiyi "Mələk" adlı mahnıya klip də çəkilib. Klipin rejissoru Fuad İsmayılovdur.
Mahnı Elxan Zeynallının (Qaraqan) "Leykemiya" adlı yeni albomunda yer alacaq.
Qeyd edək ki, oktyabrın 6-da dünya şöhrətli müğənni Rihannanın "Baku Crystal Hall"dakı konsertində səhnəyə ilk 16 yaşlı Gültəkin Qaradağlı çıxıb və ingilis dilində bir neçə mahnı ifa edərək, tamaşaçıların marağına səbəb olub.