Borçalıda bir gündə 40 ev yandı

6 İyul 2015 13:40 (UTC+04:00)

AzNews.az Report-a istinadən xəbər verir ki, bu haqda Gürcüstan KİV-i məlumat yayıb.

Gürcüstan Daxili İşlər Nazirliyinin (DİN) Fövqəladə Hallar üzrə İdarəsinin direktoru Zviad Katsaşvili deyib ki, hadisə yerində 15 yanğınsöndürmə briqadası, 120 yanğınsöndürən-xilasedici, eləcə də DİN-in sərhəd polisinin vertolyotları cəlb edilib.

Kənd sakinləri isə bildirib ki, yanğının miqyasının böyüməsinə səbəb yanğınsöndürən briqadanın hadisə yerinə gec gəlməsi olub.

Yanğın bir evdən digərlərinə quru ot tayaları vasitəsi ilə keçib.

Rəsmilər hadisə nəticəsində ölən və xəsarət alanın olmadığını bildiriblər.