Səfirlik: “ABŞ-ın mövqeyi dəyişilməz qalır“

19 Oktyabr 2012 07:28 (UTC+04:00)

Dağlıq Qarabağ münaqişəsi regionun inkişafı və uzunmüddətli stabilliyi yolunda ən böyük maneədir. Trend-in məlumatına görə, ABŞ-ın Azərbaycandakı səfirinin müavini Adam Sterlinq belə hesab edir.

"ABŞ ATƏT-in Minsk qrupu çərçivəsində münaqişənin ədalətli və dinc yolla həllində real irəliləyişə nail olmaq naminə Azərbaycan və Ermənistan üçün vacib olan şəraitin və əminliyin yaradılması üzrə işləri davam etdirir", - Sterlinq cümə günü jurnalistlərə bildirib.

Onun sözlərinə görə, münaqişə ilə bağlı ABŞ-ın mövqeyi dəyişilməz qalır. "ABŞ münaqişənin dinc, danışıqlar yolu ilə həllinə sadiqdir, çünki bu, regionun inkişafı üçün yeganə həlldir", - diplomat bildirib.

AzNews.az