Berluskoni villasını şahzadəyə satır – 500 milyon avro (FOTOLAR)

7 Avqust 2015 16:06 (UTC+04:00)

AzNews.az xəbər verir ki, bu barədə italyan qəzeti "Corriere della Sera" məlumat verib.

Məlumata görə, bu günlərdə Berluskoni Səudiyyə Ərəbistanının varis şahzadəsi, daxili işlər naziri Məhəmməd bin Naif üçün villada 5 saatlıq ekskursiya təşkil edib. Lakin başqa bir ehtimala görə, villanın yeni sahibi Səudiyyə Ərəbistanının kralı Salmon özü olacaq.

Qeyd edək ki, villanın ərazisində yunan-roma üslubunda amfiteatr, futbol meydançası, süni göllə ada, həmçinin xüsusi yaradılmış fəaliyyətdə olan vulkan var. İtaliya KİV-lərinin verdiyi məlumata görə, sövdələşmənin məbləği 500 milyon avro ola bilər.

Villanın qonaqları arasında Rusiya prezidenti Bladimir Putin və Böyük Britaniyanın keçmiş baş naziri Toni Bleyr yer alıb. 2012-ci ildə isə villanı keçmiş SSRİ dövlətlərindən birinin alması barədə məlumat yayılmışdı.

Aydan Axundova