Daha bir bank müflis oldu - Azərbaycanda

11 Avqust 2015 13:14 (UTC+04:00)

AzNews.az xəbər verir ki, 1 saylı Bakı İnzibati-İqtisadi Məhkəməsindən "APA-Economics"ə verilən məlumata görə, Azərbaycan Mərkəzi Bankı "Evrobank"ın müflis elan edilməsi ilə bağlı avqustun 3-də məhkəməyə müraciət edib.

Məlumata əsasən, hakim Elçin Məmmədovun sədrliyi ilə avqustun 10-da iclas keçirilib.

Azərbaycan Respublikası 1 saylı Bakı İnzibati-İqtisadi Məhkəməsinin 10 avqust 2015-ci il tarixli 2-1(81)-3855/2015 saylı qərarı ilə "Evrobank" müflis elan edilib.