Avtomobil su anbarına düşdü -3 ölü

4 Oktyabr 2015 23:59 (UTC+04:00)

AzNews.az-ın APA-ya istinadən verdiyi məlumata görə, hadisə oktyabrın 4-də axşam saatlarında qeydə alınıb.

"VAZ 2109" markalı avtomobil idarəetmədən çıxaraq yolun kənarındakı su anbarına düşüb.

Qəza nəticəsində avtomobildə olan 3 nəfər boğularaq ölüb.

Avtomobil və ölənlərin meyitləri sudan çıxarılıb.

Ölənlərdən biri 1981-ci il təvəllüdlü Pərviz Teymurovdur. Digər iki nəfərin kimliyinin müəyyən edilməsi istiqamətində iş aparılır.

Faktla bağlı Göygöl rayon Polis Şöbəsində araşdırma aparılır.