Nyu-York iflic vəziyyətdə-FƏLAKƏT

29 Oktyabr 2012 08:16 (UTC+04:00)

Yaxınlaşan "Sendi" qasırğası ucbatından ABŞ-ın Nyu-York ştatında fövqəladə vəziyyət elan edilib. ABŞ mətbuatının məlumatına görə, artıq Nyu-York əhalisinin evakuasiyasına başlanıb.

Şəhərin xüsusi təhlükəli rayonlarında nəqliyyatın fəaliyyəti iflic vəziyyətinə düşüb, şəhərə su verilməsi dayandırılıb, məktəb və idarələrin fəaliyyəti dondurulub . Nyu-York fond birjalarının da fəaliyyəti qismən dayandırılıb. Amerika aviaşirkətləri 8000 uçuşu təxirə salmalı olublar.

Qasırğanın bu gün axşam saatlarında Nyu-York üzərindən keçərək, Pensilvani ştatına doğru hərəkət edəcəyi gözlənilir. Qeyd edək ki, eyni vəziyyət 2011-ci il "İren" qasırğası zamanı da yaşanıb.

Ülviyyə Tahirqızı
AzNews.az