İlhamə Quliyevanın həkimi: “Böyrəklərində problem var”

20 Noyabr 2015 10:52 (UTC+04:00)

Həkim bildirib ki, son vaxtlar xəbər saytlarında Azərbaycanın xalq artisti İlhamə Quliyevanın səhhəti ilə bağlı ziddiyyətli məlumatlar yer almaqdadır.

R. Şolanın sözlərinə görə, İ. Quliyeva xəstəxanaya qəbul edildikdən sonra aparılan müayinələr zamanı böyrəklərin fəaliyyətində müəyyən problemlərin olduğu aşkar edilib: "Dərhal intensiv müalicəyə başladıq. Müalicə ilk gündən müsbət təsirini göstərdi. Gündəlik müayinələr təkrarlanır. Şükürlər olsun ki, ciddi müsbət dinamika müşahidə edirik . Hörmətli sənətkarımızın əhval-ruhiyyəsi də yaxşıdı. Ümid edirəm, hətta əminəm ki, yaxın vaxtlarda İlhamə xanımın səsini yenidən səhnədə eşidəcəyik".

Qeyd edək ki, İ. Quliyeva Mərkəzi Neftçilər Xəstəxanasında müalicə olunur.

APA.az