Nardaranlıların işığa və qaza 43 milyon 643 min borcu var - RƏSMİ

28 Noyabr 2015 12:50 (UTC+04:00)

"Azərişıq" ASC Bakının Nardaran qəsəbəsində abunəçilərin elektrik enerjisi ilə təchizatında yaranmış problemin səbəbinin abunəçilərin borcunun olması ilə əlaqələndirib.

Nardaran sakinləri həmçinin qəsəbəyə təbii qazın verilişdə də bir müddət əvvəldən fasilə yarandığını qeyd ediblər.

Müvafiq qurumlara bununla bağlı sorğu ünvanlanıb. Sorğuya cavab olaraq bildirilib ki, bu günə kimi Nardaran əhalisinin istifadə edilən elektrik enerjisinə görə 42 milyon 267 min borcu var: "2015-ci ilə qədər bu borcun məbləği 37 milyon 966 min manta olub. Bu ilin 10 ayında isə 4 milyon 300 min manat elektrik enerjisi ilə bağlı borc var".

Nardaran əhalisinin təbii qaza görə dövlətə olan borcu isə 1 milyon 376 min manat təşkil edir: "Bunun 387 min 330 manatı 2013-cü il, 558 min 624 manatı 2014-cü il, 450 min 363 manat isə bu ilin 10 ayı üçün olub".

APA.az