Minlərlə məhbus səhvən azadlığa buraxıldı

23 Dekabr 2015 16:33 (UTC+04:00)

Türkiyənin "Milliyyət" qəzetinin verdiyi məlumata görə, bu yanlışlıq ABŞ-ın Vaşinqton ştatındakı həbsxanaların birində qeydə alınıb.

Məlumata görə, 3 200 məhbus orta hesabla 49 gün tez azadlığa buraxılıb. Bəzi məhkumlar üzrə bu rəqəm 600 günə çatıb.

Bununla belə, səhv üzündən buraxılan məhbusların əksəriyyətinin cəzaçəkmə müəssisəsinə qaytarılmayacağı bildirilib.

Qalmaqalla bağlı açıqlama verən ştatın qubernatoru Cey İnsli deyib ki, hadisə səhvən hazırlanmış internet proqramına görə baş verib.