Bu dəfə Hindistan

1 Noyabr 2012 13:49 (UTC+04:00)

Hindistanın cənubunda yaranmış tropik fırtına və qasırğa ən azı 4 nəfərin ölümünə səbəb olub. 100 mindən artıq insan evlərini tərk edib. Qasırğa nəticəsində okean dalğaları neft tankerini vuraraq Çennay şəhərinin küçəsinə atıb.

Tankerin heyətində 1 nəfər həlak olub, 6 dənizçi də itkin düşüb. Andra Pradeş ştatında iki nəfər dağılan evlərin altında can verib. Tamil Nadu ştatında isə 46 yaşlı kişi limandan dənizə düşərək boğulub. Tamil Nadu ştatının mərkəzi Çennay şəhərindəki 282 məktəb 150 min nəfərin müvəqqəti sığınacağına çevrilib. Fırtına və qasırğa Şri-Lankada da dağıntılarla tələfata səbəb olub.

AzNews.az