Metroda intihar – Qatar gənc oğlanın üstündən keçdi (Yenilənib 3)
13 Yanvar 2016 11:38 (UTC+04:00)
AzNews.az xəbər verir ki, hadisə Əhmədli metrostansiyasında olub.
Hadisə şahidlərinin məlumatına görə, gənc oğlan özünü qatarın altına atıb. Sərnişinlər metrodan çıxarılıb, qatarların hərəkəti dayandırılıb.
***
11:45
Məlumata görə,gənc oğlanın meyiti artıq qatarın altından çıxarılıb. hadisənin baş vermə səbəbləri araşdırılır.
***
11:48
Hadisə şahidlərinin sözlərinə görə, oğlan intihar məqsədilə özünü qatarın önünə atıb. Bu zaman qatarın ön şüşəsinə çırpılıb. Daha sonra isə relslərin arasına düşüb və qatar gəncin üzərindən keçib.
***
11:56
Özünü intihar məqsədilə qatarın altına atan şəxsin kimliyi müəyyənləşib.
Bakı Metropoliteni QSC-nin mətbuat xidmətinin rəhbəri Nəsimi Paşayevin AzNews.az-a verdiyi məlumata görə, həmin şəxs 1982-ci il təvəllüdlü Aşurov Qoşqar Etibar oğludur.
Onun intihar səbəbləri araşdırılır.
N.Paşayev bildirib ki, artıq qatarların hərəkəti bərpa olunub.