Daşkəsəndə maşın aşdı - 2 məmur öldü + Foto (Yeniləndi)
26 Yanvar 2016 20:52 (UTC+04:00)
AzNews.az-ın APA-ya istinadən məlumatına görə, bu gün saat 18 radələrində Daşkəsən rayonun Bayan kəndi ərazisində ağır yol nəqliyyat qəzası baş verib. Rayon Mədəniyyət və Turizm şöbəsinin müdiri, rayon sakini, 1953-cü il təvəllüdlü Hacı Məmmədov şöbəyə məxsus "Niva Chevrolet" markalı avtomobillə Daşkəsən şəhərindən Gəncə istiqamətində hərəkətdə olarkən idarəetməni itirib və Qoşqar çayı üzərində olan körpüdən təxminən 20 metr hündürlükdən çaya aşıb. Qəza zamanı sürücü hadisə yerində ölüb. Avtomobildə olan sərnişin 1984-cü il təvəllüdlü Gəncə şəhər sakini, Dövlət Sosial Müdafiə Fondunun Daşkəsən rayon şöbəsinin rəhbəri Elvin Haqverdiyev isə ağır bədən xəsarəti alıb. O xəstəxanaya aparılarkən yolda dünyasını dəyişib.
Faktla bağlı Daşkəsən rayon Polis Şöbəsində araşdırma aparılır.
***
18:53
Daşkəsən rayonunun Bayan kəndində ağır yol qəzası baş verib.
AzNews.az xəbər verir ki, bu barədə Kəpəz TV məlumat yayıb. Bildirilir ki, "Niva Chevrolet" markalı avtomobilin körpüdən aşması nəticəsində sürücü və sərnişin hadisə yerindəcə keçinib.
Qəzada ölənlər Məhkəmə Tiobbi Ekspertiza və Pataloji Anatomiya Birliyinin Gəncə şəhər şöbəsinə gətirilib. Ölən şəxslərin kimliyi bilinib.
APA-nın yaydığı məlumata görə, ölən şəxslər Daşkəsən rayon Mədəniyyət Şöbəsinin müdiri Hacı Məmmədov və Dövlət Sosial Müdafiə Fondunun rayon şöbəsinin rəhbəri Elvin Haqverdiyevdir.
