İlham Əliyev Qətərin sabiq baş nazirini qəbul edib- YENİLƏNİB

Prezident İlham Əliyev Qətər Dövlətinin sabiq Baş nazirini qəbul edib.

AzNews.az xəbər verir ki, Həməd bin Casim bin Cabir Al Tani Azərbaycana səfərindən keçən 10 il ərzində ölkədə inanılmaz dərəcədə böyük dəyişikliklərin şahidi olduğunu deyib və Bakıda aparılan çox böyük abadlıq və inkişaf proseslərinə valeh olduğunu bildirib.

Həməd bin Casim bin Cabir Al Tani Qətərdən və ölkəsinin yerləşdiyi regiondan Azərbaycana artıq çoxsaylı turistlərin gəlməsini məmnunluqla qeyd edib.

Prezident İlham Əliyev son illər Azərbaycanda gedən inkişaf-quruculuq işlərinə toxunub, insanların rahat yaşayışı üçün böyük həcmdə investisiyanın yatırıldığını deyib. Dövlət başçısı Azərbaycanda, o cümlədən Bakı şəhərində həyata keçirilən genişmiqyaslı işlərdən danışıb.

Görüş zamanı iki ölkə arasında hava nəqliyyatı, turizm, kənd təsərrüfatı, enerji, neft-kimya, birgə sərmayə qoyuluşu sahələrində əməkdaşlığın inkişaf etdirilməsi ilə bağlı məsələlər ətrafında fikir mübadiləsi aparılıb, Azərbaycan-Qətər ikitərəfli əlaqələrinin genişləndirilməsinin önəmi qeyd olunub.

****

10:56

AzNews.az prezidentin mətbuat xidmətinə istinadən xəbər verir ki, Azərbaycan prezidenti İlham Əliyev aprelin 29-da Qətər Dövlətinin sabiq Baş naziri və xarici işlər naziri Şeyx Həməd bin Casim bin Cabir Al Tanini qəbul edib.