Aşıq Ulduzun qızının toyu Türkiyədə olacaq

“Toyun vaxtı hələ dəqiq deyil”.

Bu gün Aşıq Ulduzun xoşbəxt günlərindən biridir. Belə ki, onun qızı Sədaqətə xınayaxdı mərasimi keçiriləcək. Bakıdakı restoranların birində baş tutacaq mərasimə aşıqlarla yanaşı, sənət adamları da dəvət alıb.

Aşıq Ulduz AzNews.az-a açıqlamasında bildirib ki, qızının toy mərasimi Türkiyənin İstanbul şəhərində baş tutacaq: “Toyun vaxtı hələ dəqiq deyil. Sabah bu barədə geniş məlumat verəcəyəm”.

Xatırladaq ki, müğənni Sədaqət türkiyəli iş adamı ilə ailə qurur.

Bahar RÜSTƏMLİ

AzNews.az