09:49
(077) 610-22-33

Gürcüstan prezidentinin rəsmi qarşılanma mərasimi olub

  • >
312 27 Fevral 2013 15:28 | Hadisə

Fevralın 27-də Azərbaycana rəsmi səfərə gələn Gürcüstan prezidenti Mixail Saakaşvilinin rəsmi qarşılanma mərasimi olub.APA-nın məlumatına görə, iki ölkənin dövlət bayraqlarının dalğalandığı meydanda ali qonağın şərəfinə fəxri qarovul dəstəsi düzülüb.

Gürcüstan prezidenti M. Saakaşvili və xanımı Sandra Elizabet Rulofsu Azərbaycan prezidenti İlham Əliyev və xanımı Mehriban Əliyeva qarşılayıblar.

Azərbaycanın dövlət və hökumət nümayəndələri M. Saakaşviliyə, Gürcüstanın nümayəndə heyətinin üzvləri isə İ. Əliyevə təqdim olunub.

Fəxri qarovul dəstəsi hərbi marşın sədaları altında dövlət başçılarının qarşısından keçib. Prezidentlər və xanımları rəsmi foto çəkdiriblər.

AzNews.az
Bağla X