Anjelina Coli bu geyimi ilə Kambocanı heyrətləndirdi - Fotolar

Aktrisa uşaqları ilə birlikdə “Əvvəlcə onlar atamı öldürdülər: Kambocalı qızın xatirələri” adlı yeni filminin təqdimatı üçün Kambocaya gəlib.

AzNews.az xarici KİV-ə istinadən xəbər verir ki, filmin təqdimatında Kambocanın mədəniyyət naziri də iştirak edib.

Anjelina Coli bu dəfə təqdimata geyindiyi geyimlə təəccübləndirməyi bacarıb. Nəhayət ki, qara rəngdən imtina edərək, çəhrayı rəngli, uzun libas geyinib. Coli üçün çox önəmli tədbirdə onun 6 övladı da iştirak edib.

Filmin çəkilişlərində Meddoks anasına yaxından kömək olub. Qeyd edək ki, o, kambocalıdır. Aktrisa onu “Lara Kroft” filminin çəkilişləri zamanı tapıb. Daha sonra övladlığa götürüb.