Moskva etiraf etdi: Ukraynaya könüllü göndərmişik

Rusiya Xarici İşlər Nazirliyinin sözçüsü Aleksandr Lukaşeviç Ukraynanın şərqində heç vaxt rus əsgərinin olmadığını, amma Kiyevə qarşı toqquşmalarda Rusiyadan könüllülərin iştirak etdiyini açıqlayıb.



Axar.az xəbər verir ki, Lukaşeviç Rusiya ordusunun heç vaxt Ukraynada müharibə aparmadığını bildirib:

"Rusiya ordusu Ukrayna torpaqlarında olmayıb. Bizim ordumuz orada savaşmır. Donetsk və Luqanskda Rusiyadan gələn könüllülər var. Onlar ordu sıralarına daxil deyil".

Xatırladaq ki, bir müddət öncə NATO Ukraynanın şərqində Rusiya ordusunun 5 minə yaxın əsgərinin olduğunu iddia etmişdi.


AzNews.az