Ölən zabitlə bağlı rəsmi AÇIQLAMA

Naxçıvan Hərbi Qarnizonu Silahlı Qüvvələrin zabitinin ölümü ilə bağlı məlumat yayıb. Qarnizondan APA-ya verilən məlumatda bildirilir ki, Azərbaycan Silahlı Qüvvələrinin kapitanı Faiq Əliheydər oğlu Seyidov 2013-cü il yanvarın 27-də, istirahət günü axşam saat 19.15-də Uzunoba gölünün donmuş hissəsində balıq tutarkən buz qatı sınıb və suya düşərək boğulub.

Kapitan Faiq Seyidovun cəsədi Naxçıvan Muxtar Respublikası Fövqəladə Hallar Nazirliyinin xilasediciləri tərəfindən göldən çıxarılıb və qohumlarının iştirakı ilə tibbi ekspertizası keçirilib.

Bundan sonra kapitan Faiq Seyidovun cəsədi valideynlərinin yaşadığı Qəbələ rayonuna göndərilib.

AzNews.az