Zəncirvari qəza: 5 avtomobil toqquşdu

Milli.az-da verilən məlumata görə, dünən gecə saatlarında Xaçmazda zəncirvari qəza baş verib. Şəhərin Nəriman Nərimanov və Heydər Əliyev küçələrinin kəsişməsində yüksək sürətlə hərəkət edən "VAZ-2106" markalı nəqliyyat vasitəsi yolun kənarında dayanan "Mercedes" markalı avtomobilə dəyib. Nəticədə idarəetməni itirən nəqliyyat vasitəsi qarşıdakı "Opel" markalı avtomobilə çırpılıb.

Zərbənin gücündən "Opel" də qarşıda dayanan "Ford" markalı yük maşınına dəyib. Hadisə zamanı xəsarət alan olmasa da, avtomobillərə ciddi ziyan dəyib. Qəzaya yüksək sürətin səbəb olduğu bildirilir.

Faktla bağlı araşdırma aparılır.

AzNews.az