Suriyada İŞİD-in hücumu nəticəsində 5 türk əsgəri şəhid oldu

Fırat Qalxanı hərəkatının 150-ci günündə bu gün Suriyanın Əl Bab bölgəsində İŞİD terrorçularına məxsus bomba yüklü avtomobilin partlaması nəticəsində 5 türk əsgəri şəhid olub, 9 əsgər yaralanıb.

AzNews.az Hürriyet-ə istinadən xəbər verir ki, Suriya sərhədinin terroristlərdən təmizlənərək təhlükəsizliyin bərpa edilməsi üçün ötən ilin avqustundan hərbi əməliyyatlar keçirən Fırat Qalxanı hərəkatı bu gün İŞİD-in hücumuna məruz qalıb.

Türk Silahlı qüvvələrinin yaydığı məlumata görə, 5 türk əsgəri şəhid olub, 9 əsgər yaralanıb.