Təbrik məktubunda deyilir: Təbrik məktubunda deyilir:
  • Paytaxt
  • 28 May 2022 20:00
  •  5 096

Pakistan Prezidenti Azərbaycan dövlət başçısına təbrik ünvanlayıb

Təbrik məktubunda deyilir:

Pakistan İslam Respublikasının Prezidenti Arif Alvi Prezident İlham Əliyevə təbrik məktubu ünvanlayıb.

Aznews.az xəbər verir ki, təbrik məktubunda deyilir:

"Zati-aliləri.

Ölkənizin milli bayramı - Müstəqillik Günü münasibətilə Sizə, Azərbaycan hökumətinə və xalqına ən səmimi təbriklərimi çatdırmaqdan böyük məmnunluq duyuram.

Bu il biz həm də ölkələrimiz arasında diplomatik münasibətlərin qurulmasının 30 illiyini qeyd edirik. Son üç onillikdə Pakistan ilə Azərbaycan arasında qardaşlıq əlaqələri daha da möhkəmlənib.

Əminəm ki, siyasi, iqtisadi və mədəni sahələrdə ikitərəfli əməkdaşlığımız Sizin müdrik rəhbərliyinizlə bundan sonra da dərinləşəcək və genişlənəcəkdir.

Sizə möhkəm cansağlığı və xoşbəxtlik arzulayır, Azərbaycan xalqına isə davamlı sülh və firavanlıq diləyirəm.

Zati-aliləri, ən yüksək ehtiramımı qəbul etməyinizi xahiş edirəm".