SOCAR-ın yanacaqla dolu daha 2 avtomobili Xankəndiyə yola düşüb - FOTO

Azərbaycan Respublikasının Qarabağ bölgəsində sosial, humanitar, iqtisadi və infrastruktur məsələlərinin həlli və orada yaşayan erməni sakinlərinin ehtiyaclarının təmin olunması üçün təxirəsalınmaz tədbirlər davam etdirilir.

Aznews.az xəbər verir ki, bu barədə Azərbaycan Respublikası Prezidentinin Administrasiyası məlumat yayıb.

Bildirilib ki, 2023-cü il sentyabrın 26-da bağçaların, təcili tibbi yardım və yanğın-söndürmə xidmətlərinin yanacaq-sürtkü materialları ilə təmin edilməsi məqsədilə Ağdam-Əsgəran-Xankəndi yolu vasitəsilə 38 ton benzin, 16 ton dizellə dolu növbəti 2 avtomobil yola salınıb.

***

16:24

SOCAR-ın yanacaqla dolu daha 2 avtomobili Xankəndiyə yola düşüb.

Qarabağın erməni sakinləri üçün göndərilən yanacaqla dolu avtomobillər Xankəndiyə hərəkət edir.

***

13:12

SOCAR-ın yanacaqla dolu 2 avtomobili Xankəndiyə yola düşüb.

34 ton dizel, 30 ton benzin Ağdam-Əsgəran-Xankəndi yolu ilə Qarabağın erməni sakinlərinə çatdırılacaq.

2023-cü il sentyabrın 21-də Yevlax şəhərində keçirilmiş görüşdə Azərbaycanın Qarabağ bölgəsində yaşayan erməni sakinlərin nümayəndələrinin, ilk növbədə, bağçaların, təcili tibbi yardım və yanğınsöndürmə xidmətlərinin yanacaq-sürtkü materialları ilə təmin edilməsinə dair xahişinə uyğun olaraq, sentyabrın 26-da Ağdam-Əsgəran-Xankəndi yolu vasitəsilə 30 ton benzin, 34 ton dizel yola salınıb.

Qeyd edək ki, bundan öncə də Xankəndiyə SOCAR-ın maşınları ilə 64 ton yanacaq göndərilib./APA