Qarabağda daha 9 erməninin qalığı tapıldı

Cəsədlərinin kimliyini müəyyənləşdirmək üçün məhkəmə tibbi ekspertizası təyin ediləcək

Ermənistan tərəfinin Qarabağda – Cəbrayılda apardığı axtarış işləri nəticəsində daha 7 hərbçinin cəsəd qalıqları tapılıb.

Dünən Talış kəndi istiqamətində daha 2 nəfərin qalıqlarını da Azərbaycan tərəfi ermənilərə təhvil verib.

Erməni tərəfi hərbçi cəsədlərinin kimliyini müəyyənləşdirmək üçün məhkəmə tibbi ekspertizası təyin edəcək.

Ermənistan mətbuatının yazdığına görə, bu günə kimi Qarabağın işğaldan azad olunmuş ərazilərində aparılan axtarışlar nəticəsində 1539 nəfərin cəsədi tapılıb.

AzNews.az