Sədərək Ticarət Mərkəzində kütləvi dava olub

Bakı şəhər Qaradağ rayonu ərazisində yerləşən Sədərək Ticarət Mərkəzində dava-dalaş olub.

AzNews.az Lent.az-a istinadən xəbər verir ki, polisə müraciət edən 1985-ci il təvəllüdlü Hüseynquliyev Elçin Akif oğlu ticarət mərkəzində 4 nəfər tərəfindən döyüldüyünü bildirib. O, hadisənin hansı səbəbdən baş verdiyini qeyd etməyib.

E.Hüseynquliyevin xəsarətinin dərəcəsini müəyyən etmək üçün ekspertiza təyin edilib. Araşdırma aparılır.