Özbəkistanla 100-ə yaxın sənəd imzalanıb

Bu gün Özbəkistanla Azərbaycan arasında biznes forum keçirilib. Tədbirdə iştirak edən İqtisadi İnkişaf naziri Şahin Mustafayev bildirib ki, 2 ölkə arasında əməkdaşlıq qarşılıqlı hörmət və dostluq üzərində qurulub. Onun sözlərinə görə, Özbəkistanla Azərbaycan arasında təkmil qanunvericilik bazası yaradılıb və 100-ə yaxın sənəd imzalanıb.

Forumda bildirilib ki, ölkələr arasındakı ticarət dövriyyəsinin həcmi 2011-ci ildə əvvəlki illərlə müqayisədə 2 dəfə artıb.

Özbəkistanın Baş Nazirinin müavini Uluqbek Rozukulov hər iki ölkənin böyük iqtisadi potensiala malik olduğunu vurğulayıb. Rozukulov bildirib ki, Özbəkistan Azərbaycanla iqtisadi və digər sahələr əməkdaşlıqda maraqlıdır.
Biznes forumu çərçivəsində Özbəkistanın bir sıra şirkətlərinin təqdimatı keçirilib.

Elnarə Əlosmanqızı
AzNews.az