İşğaldan azad edilmiş bütün şəhərlərin baş planları hazırlanıb və təsdiqlənib

Dövlət başçısı bu barədə məlumat verib

Azad edilmiş ərazilərimizdə nəhəng su resursları var, işğal illərində biz bütün bunlardan məhrum olmuşduq. Çünki ermənilər təkcə bizim şəhərləri deyil, bizim resursları da işğal etmişdilər.

APA xəbər verir ki, bu barədə Prezident İlham Əliyev Ağdamda keçirilən Azərbaycan Milli Şəhərsalma Forumundakı çıxışında bildirib.

Dövlət başçısı deyib ki, ermənilər çayların qarşısını kəsirdilər və biz minlərlə hektar əraziləri suvara bilmirdik: “İndi biz öz çaylarımızı, öz torpaqlarımızı qaytarmışıq. Bu gün artıq bütün şəhərlərin baş planları hazırlanıb və təsdiqlənib”.