Perunun Azərbaycanda Səfirliyi fəaliyyətə başlayıb

Peru Respublikasının Azərbaycan Respublikasındakı Səfirliyi fəaliyyətə başladı.

AzNews.az Azərbaycan XİN-nin mətbuat xidmətinə istinadən xəbər verir ki, 2 iyun tarixində Səfirliyin yeni təyin olunmuş müvəqqəti işlər vəkili Luis Çanq Boldrini Xarici İşlər Nazirliyində Dövlət Protokol idarəsinin rəisi Pərvin Mirzəzadə ilə görüş keçirib.

Pərvin Mirzəzadə Luis Çanq Boldriniyə Azərbaycanda diplomatik fəaliyyəti dövründə uğurlar arzu etdi. Luis Çanq Boldrini fəaliyyəti dövründə ölkələrimiz arasında əməkdaşlığın inkişafı naminə səylərini əsirgəməyəcəyini bildirdi.