DİN məlumat yayıb DİN məlumat yayıb

Siyəzəndə karantin qaydalarını pozan kafe sahibi və müştəriləri cərimələndi

DİN məlumat yayıb

Siyəzən Rayon Polis Şöbəsinin (RPŞ) əməkdaşları karantin rejimi qaydalarının təmin olunması istiqamətində tədbirlər davam etdirir.

DİN-in Mətbuat xidmətinin Quba regional qrupundan AzNews.az-a verilən məlumata görə, şöbə əməkdaşları inzibati ərazilərində xidmət aparan zaman rayon ərazisində karantin rejiminə əməl etməyərək fəaliyyət göstərən kafe aşkarlayıblar.

Qanunvericiliyə uyğun olaraq, obyektin sahibi Elçin İsgəndərov və orada olan müştərilər saxlanılaraq polis şöbəsinə gətiriliblər.

Həmin şəxslər barəsində inzibati qaydada tədbirlər görülüb və təyin olunmuş qaydalara riayət etmələri barədə profilaktik söhbətlər aparılıb.