Jirinovski Leninin nəşini yandırmağı təklif etdi

Jirinovskinin sözlərinə görə, Leninin məzarının hissə-hissə ABŞ-a aparılmasına razı olardı

Rusiyanın Liberal Demokrat Partiyasının (LDP) lideri Vladimir Jirinovski SSRİ-nin qurucusu Vladimir Leninin cəsədinin məqbərədən çıxarılıb kremasiya edilməsini təklif edib.

AzNews.az rus KİV-nə istinadən xəbər verir ki, partiya sədri bu fikri amerikalı rəssam Devid Datunun Lenini qalıqlarını 1 milyon dollara alıb Vaşinqtona köçürməyə hazır olduğunu elan etməsindən sonra səsləndirib.

Jirinovskinin sözlərinə görə, Leninin məzarının hissə-hissə ABŞ-a aparılmasına razı olardı. Siyasətçi onu da qeyd edib ki, təklif olunan məbləği kifayət qədər böyük hesab edir və təklif sərfəlidir.