Rusiya Minsk qrupunun dəyişdirilməsini istəmir

“ATƏT-in Minsk qrupunun formatının dəyişdirilməsinə ehtiyac görmürük”.


AzNews.az-ın APA-ya istinadən məlumatına görə, bunu Rusiya Xarici işlər Nazirliyinin rəsmi nümayəndəsi Mariya Zaxarova bu gün keçirdiyi brifinqdə bildirib.

İsveç xarici işlər nazirinin Bakıda keçirdiyi mətbuat konfransında Minsk qrupunun formatı ilə bağlı səsləndirdiyi fikirlərə münasibət bildirən Rusiya XİN sözçüsü qeyd edib ki, Minsk qrupunun formatı hamı tərəfindən qəbul olunur: "Bu format bir çox məqamlarda effektivdir. Ona görə də onun dəyişdirilməsinə ehtiyac görmürük".