“Artıq vaxt yetişib ki, “Siyasi partiyalar haqqında” qanuna bir çox maddələr üzrə dəyişiklik edək”. “Artıq vaxt yetişib ki, “Siyasi partiyalar haqqında” qanuna bir çox maddələr üzrə dəyişiklik edək”.

“Siyasi partiyalar haqqında” qanun dəyişdirilsin - Deputatdan təklif

“Artıq vaxt yetişib ki, “Siyasi partiyalar haqqında” qanuna bir çox maddələr üzrə dəyişiklik edək”.

APA-nın məlumatına görə, bunu Yeni Azərbaycan Partiyasının (YAP) İcra katibinin müavini, Milli Məclisin ictimai birliklər və dini qurumlar komitəsinin sədri Siyavuş Novruzov parlamentin bu gün keçirilən iclasında bildirib.

O qeyd edib ki, qanunda siyasi partiyaların fəaliyyəti ilə bağlı hər şey yüksək səviyyədə təsbit olunsa da, bəzi maddələrə yenidən baxmaq lazımdır: “Məsələn, 8-ci maddədə kimlərin siyasi partiyaya üzv ola bilməsi barədə məlumatlar var. Düşünürəm buna yenidən baxmaq lazımdır. Həmin maddədə göstərilir ki, maliyyə orqanları nümayəndələrinin siyasi partiya üzvü olması qadağandır. Məncə, bu düzgün deyil. Başqa bir məsələ də Mərkəzi Bankın İdarə Heyətinin üzvlərinə siyasi partiya üzvü olması ilə bağlı qadağa qoyulmalıdır. Onlar hansısa partiyanın üzvü olsa, nə baş verəcək ki? Bu qadağalar dəyişməlidir”.

S. Novruzov onu da qeyd edib ki, bəzi siyasi partiyalar MSK-ya maliyyə şəffaflığı ilə bağlı düzgün məlumat vermir, buna nəzarət olunmalıdır.

AzNews.az