Bölgəyə əlavə təhlükəsizlik qüvvələri göndərilib Bölgəyə əlavə təhlükəsizlik qüvvələri göndərilib

Bu adada 4 aylıq fövqəladə vəziyyət elan olundu

Bölgəyə əlavə təhlükəsizlik qüvvələri göndərilib

Yunanıstanın Lesbos adasında yerləşən Moria qaçqın düşərgəsində baş vermis yanğın səbəbindən adada 4 aylıq fövqəladə vəziyyət elan edilib.

AzNews.az xarici mediaya istinadən xəbər verir ki, Baş nazir Kiryakos Miçotakis ölkənin ən böyük qaçqın düşərgəsi olan Moriadakı yanğınla bağlı nazirlərin və cavabdeh qurumların nümayəndələrinin fövqəladə iclasını keçirib. İclasda əldə edilən qərara əsasən Daxili İşlər, Miqrasiya Siyasəti, Mülki Müdafiə, Səhiyyə nazirləri adaya gedəcək və araşdırmalaradan sonra birgə mətbuat konfransı keçirəcəklər.

Yunanıstanın “ANA” agentliyinin məlumatına görə, yanğından qaçaraq şəhər mərkəzinə doğru irəliləyən qaçqınlara mane olmaq üçün bölgəyə əlavə təhlükəsizlik qüvvələri göndərilib.

Düşərgədə baş vermis yanğının səbəbləri bilinməsə də, ölən və yaralananın olmadığı qeyd edilir. Hadisə nəticəsində minlərlə çadır və sığınacaq külə dönüb. Düşərgə 35 nəfərdə koronavirus aşkarlanması səbəbindən ötən həftə karantinə alınmışdı. Orada ümumilikdə 12 min 500 qaçqın məskən salıb.