Koçaryan məhkəməni uddu

Koçaryana təzminat olaraq 400 min dram (852 dollar) ödəniləcək.

Yerevan Ali Məhkəməsi hazırda həbsdə olan keçmiş prezident Robert Koçaryanın 1in.am saytına qarşı iddiasını təmin edib.

Bu barədə eks-prezidentin vəkillər komandasının mətbuat katibi Elen Arakelyan bildirib. Onun sözlərinə görə, 1in.am saytında 2018-ci ilun yayında Koçaryanın 2008-ci il aksiyası zamanı iştirakçılara atəş əmrini verməsi və onlara qarşı qadağan olunmuş vasitələrdən istifadə etmək göstərişi ilə bağlı dərc olunmuş yazılar həqiqəti əks etdirmir.

Məhkəmə saytda bununla bağlı gedən yazıların yalan olduğu və portalın təkzib verərək üzr istəməsi haqda qərar çıxarıb. Bundan başqa, sayt Koçaryana təzminat olaraq 400 min dram (852 dollar) ödəyəcək.

Təkzib və üzr mətni məhkəmə qərarından sonra 2 gün ərzində dərc edilməlidi. (qafqazinfo)

AzNews.az