Prezidentə ultimatum verildi

Misirin "Təmərrüd" müxalifət hərəkatı prezident Məhəmməd Mursiyə ultimatum verib.

Ultimatumda prezidentin 2 iyul saat 17.00-dək istefaya getməsi tələb olunur. Bundan sonra isə ölkədə yeni prezident seçkilərinə hazırıq prosesi başlayacaq.

Xatırladaq ki, Mursinin prezidentliyinin 1 illiyini qeyd etdiyi günlərdə Misir yenidən qarışaraq etiraz aksiyalarına meydan olub. Minlərlə nümayişçi prezidentin istefasını tələb edib. Mursi tərəfdarları ilə əleyhdarları arasında olan toqquşmada 14 nəfərin öldüyü barədə məlumatlar var.

"Təmərrüd" artıq prezidentin istefası üçün 22 milyon imza toplandığını açıqlayıb.

Elnarə
AzNews.az